DAVAO CITY- Mukabat sa dosmil ka mga kapulisan ang niduyog sa pag serve og warrant of arrest sa Kingdom of Jesus Christ Compound, Buhangin, ning dakbayan, sa alas singko sa buntag karong adlawa.
Alayon niini, nahimong tensyonado ang kampo sa mga kapulisan ug myembro sa KOJC hilabi pa sa pagsukol sa ilang katungod.
Apan pagpaklaro pa ni PBGen. Nicholas Torre III, dili kini ang panahon aron sa pagdebate sanglit nagasunod lamang sila sa kamandoan gikan sa korte.
Nisulay pa og pakigstorya ang mga supporters ni Pastor Apollo Quiboloy apan nagdumili na si Torre sa pagpaminaw niini ug hugtanong gipatuman ang kamandoan sa pagsulod sa KOJC Compound.
Apan bisan paman niini, padayon usab ang pagpugong sa mga supporters ni Quiboloy hiungdan sa paghangyo ni Torre nga tagaan silag kahigayonan nga mgatrabaho.
Hinoon, nakasulod og malinawn ang mga kapulisan bisan paman sa daghanang mga myembro sa KOJC nga nakaantabay.
