Gipasabot sa Kingdom of Jesus Christ (KOJC) ang hinungdan kung nganong boot nila mahibal-an kung asa gikan ang P10M nga reward money nga ihatag alang sa kinsa mang makahatag og impormasyon ug makatudlo kung asa nahimutang si Pastor Apollo Quiboloy.
Atol sa Senate hearing, gikabutyag ni Eleonor Cardona, Executive Secretrary sa KOJC nga dili basta-basta ang maong kantidad sa kwarta hilabi pa nga daghan ang magka-interest niini nga maoy hinungdan aron mas mabutang sa peligro ang kinabuhi ni Pastor Apollo Quiboloy.
Matud pa niini, mahulog nga motugbang na ang kantitdad sa shoot to kill situation rason boot nilang mahibal-an motibo sa mga nagpaluyo niini nga posibleng gipangunahan sa mga NPA ug priso base na usab sa impormasyon nga niabot kanila.
Nagpaguwa sab og kadismaya ang KOJC sa nahimong lakang sa DILG human niini gianunsyo ang gitanyag nga kwarta nga maoy hinungdan sa kaguol ug kahadlok sa pipila nila ka mga kaubanan sulod sa simbahan.
Una nang gireklamo sa KOJC ang daghanang nagamasid sa nagkadaiyang propiedad ni Pastor Quiboloy nga dakong epekto sab sa normal nga panginabuhian sa tanan nilang myembro.
Apan bisan paman sa maong pagpasabot, wala nihatag og tubag si DILG Secretary Benhur Abalos sa kung kinsa man ang nihatag sa maong kwarta gumikan na usab sa ilang proteksyon.
