Pormal na nga nanumpa si Donald Trump isip ika-47 nga Presidente sa Estados Unidos.
Si Chief Justice John Roberts ang nagdumala sa panunumpa ni Trump nga gihimo sulod sa Capitol Rotunda.
Imbes nga Abraham Lincoln Bible ang gamiton alang sa panunumpa, gigamit ni Trump ang iyang personal nga Bibliya.
Nasayran usab nga mao gihapon kini ang Bibliya nga iyang gigamit sa iyang unang termino isip presidente kaniadtong 2017.
Giunhan ni JD Vance panunumpa isip Bise Presidente, nga gipangulohan usab ni Supreme Court Justice Brett Kavanaugh.
Ang seremonya gitambongan sa mga napiling miyembro sa gabinete ni Trump, ingon man ang mga kanhing presidente sa US ug ilang mga asawa.
Human sa panunumpa, ang US military mipabuto og kanyon isip tradisyonal nga pagpupugay.
Gumikan sa katugnaw sa gawas nga bahin sa maong lugar, ang seremonya gihimo na lamang sa sulod sa Capitol Rotunda.
Kahinumdoman, nga ang ulahing pagpahigayon og ‘indoor inauguration’ gihimo pa sa panahon ni kanhing Presidente Ronald Reagan kaniadtong 1985.
