Gipaklaro sa Department of Labor and Employment (DOLE) nga walay nakatakdang nationwide nga pagsaka sa minimum wage karong Mayo 1.
Sumala kang Bienvenido Laguesma, magpabilin nga nakadepende sa matag rehiyon ang pag-adjust sa sweldo pinaagi sa Regional Tripartite Wages and Productivity Boards.
Gipasabot ni Laguesma nga ang Kongreso sa Pilipinas lamang ang adunay gahum sa pagpasa og balaod alang sa across-the-board wage hike.
Sa karon, ang matag rehiyon nagbase gihapon sa inflation, presyo sa mga palaliton, ug kahimtang sa ekonomiya sa dili pa magtakda og umento. Dugang pa niya, bisan pa sa mga panawagan sama sa P200 wage hike gikan sa labor groups, kinahanglan gihapon kini moagi sa normal nga proseso sa wage boards.
Matud niya, ang tanang rehiyon nakapatuman na og adjustments sa 2025–2026 wage cycle.
Gipahibalo usab sa DOLE nga magsugod sa Mayo ang bag-ong wage cycle alang sa 2026–2027, diin usbon na usab sa tripartite boards ang pagrepaso sa posibleng pagsaka sa sweldo uban ang partisipasyon sa gobyerno, mga mamumuo, ug mga employers.
