Gihangyo sa Department of Labor and Employment (DOLE) ang mga pribadong kompanya nga magpatuman og flexible work arrangements tungod sa taas nga presyo sa lana.
Kini boluntaryo, kinahanglan og kasabutan sa employer ug empleyado, ug dili angay nga makapakunhod sa sweldo o benepisyo.
Lakip sa flexible work arrangements ang compressed workweek (upat ka adlaw nga trabaho nga mas taas ang oras), telecommuting o work-from-home, flexi-time, ug rotation of workers.
Gipahinumduman sa DOLE nga kinahanglan i-report sa ahensya ang pagpatuman sa maong setup.
Giklaro usab sa DOLE nga dili dapat makunhuran ang sweldo ug benepisyo sa mga trabahante.
Ang maong lakang gitumong aron makatabang sa mga empleyado nga makadaginot sa pamasahe ug uban pang galastuhon sa pagbyahe.
