DAVAO CITY – Gumikan kay pipila sab ka mga indibidwal nga anaa sa tourism industry ang nawad-an og trabaho gumikan sa padayong nasinating pandemya sa dakbayan sa dabaw ingon man sa tibuok kalibutan, naghanyag ang Department of Labor and Employement (DOLE XI), Department of Tourism (DOT-XI) ug PESO-Davao og sobra libo ka mga trabaho atol sa gipahigayong Virtual Job Fair kagahapong adlawa.
Diin ang mga benepisyaryo niini mao ang mga anaa sa tourism industry nga kasamtangan wala pa gihapon nibalik sa ilang mga trabaho.
Ang tumong sumala pa sa Virtual Job Fair kini aron matabangan ang mga indibidwal nga makatrabaho ingon man aron makalingkawas sa kalisod nga nasinatian.
Sagad sumala pa sailang gitanyag nga trabaho kini gilangkuban sa Customer Service Representative, Technical Support Experts, Sales Represenatative, Laborers, electricians ug branch Supervisors.
Base sa gipagulang datus sa DOLE, mikabat sa 23,982 ang mga indibidwal ang nawad-an og trabaho sa Davao Region gumikan sa pandemya.
Hinuon, gipasalig sa mga nasampit nga ahensya nga magpadayon ang ilang pagpahigayon og virtual job fair aron mas matabangan pa ang pipila ka mga indibidwal nga nagpadayon gihapon nga walay trabaho karong panahona.
