DAVAO CITY – Molusad ug document examination ang kasundalohan may kalabotan sa mga sobersibong dokumento nga nasakmit gikan sa mga rebelde atol sa engkwentro nga miulbo tali sa mga rebelde NPA ug sa 4th Scout Ranger Company.
Sumala pa kang Capt. Victor Henting sa 28th Infantry Battalion nga giproseso sa kasundalohan ang mga nasakmit nga mga dokumento.
Nasayran nga ang mga dokumento nga nasakmit atol sa mga panagsangka isipon nga classified documents ug posibling gamiton isip reference sa mga mosunod pa nga mga operasyon.
Gilantaw sa kasundalohan nga mahinongdanon ang nahisgutan nga mga dokumento gumikan kay posibli nga naundan kini sa mga plano sa mga rebeldeng NPA ug aron nga masuta kung kinsa ang mga supporters ug mga sakop niini.
Nasayran nga igo lamang nga naglusad ug fogused military operation ang mga sakop sa Scount Ranger sa Sitio Ompao, Barangay Langawisan dihang gikasangka ang ang kapin kung kulang saisenta ka mga sakop sa Pulang Bagani Command.
Gawas sa mga na-recover nga mga dokumento, naka-recover sab ang mga sakop sa Scout Ranger ug usa ka M16 Rifle.
