Mobuhat og legal nga aksyon ang Department of Justice batok sa mga indibidual nga nagpaluyo sa pagpakatag sa peke nga video nga nagagamit matud pa og ginabawal nga droga si Pangulong Ferdinand Marcos Jr.
Sumala kay Justice Spokesperson Mico Clavano nga iligal ang pagbuhat ug pagpakatag sa maong video ubos sa Article 154 sa Revised Penal Code nga nagasilot sa unlawful publication sa material nga posible kining makulong og usa ka buwan ug usa ka adlaw hangtod 6 ka buwan.
Sumala pa ni Clavano nga ang pagpagawas og maong peke nga video mismo nga adlaw sa SONA ni PBBM ang nagapakita sa intensyon nga dauton ang kredibilidad sa Pangulo ug sa importante nga speech sa nasud.
Ginadaut usab matud pa sa malisyoso nga buluhaton ang pagsalig sa publiko ug bahad sa katarung ang pagpakatag og mali nga impormasyon.
Kalabot niini, giingon ni Clavano nga committed ang DOJ nga palihukon ang balaod ug buhaton ang tanan nga kinahanglang nga aksyon aron mahibal-an ug masikop ang mga responsable sa ilegal nga binuhatan.
