Nagpaguwa ug kamanduan ang Department of Justice kabahin sa gipasang-at nga mga kaso ni kanhing Pangulong Rodrigo Duterte ngadto nila DILG Secretary Benhur Abalos Jr, PNP Chief General Francisco Marbil, PRO XI Regional Director Nicolas Torre III, ug uban pang mga opisyal nga adunay kalabotan sa operasyon sa KOJC.
Sumala kang Prosecutor General Richard Anthony Fadullon, gimanduan sa DOJ ang piskalya sa Davao City nga ipadala gilayon ang mga kaso nga gipangsang-at niini batok sa mga nahisgutan.
Apan, wala na usab dugang pa nga pagpaklaro kung nganong kinahanglan pa nga ibalhin kini ngadto sa kaulohan.
Aduna sab pipila nga mga myembro sa KOJC nga mi kwestyon kabahin sa maong kamanduan sa DOJ nga nganong kinahanglan pa nga ibalhin kini ngadto sa main office ang maong pagpasang-at ug kaso, nga sa Davao City man matod pa kini nahitabo.
Kung kahinumduman, usa si FPRRD ang mipasaka ug kasong malicious mischief ngadto sa mga nahisgutang mga opisyal sa PNP gumikan sa nahitabong pagpanglungkab sa mga personahe sa kapulisan sulod sa KOJC compound, lakip na ang kontrobersyal nga pagkuykuy sa mga pulis ilawom sa JMC building gumikan aduna matud pa silay na detect nga heartbeat kaniadto ni Pastor Quiboloy ilawom sa maong pasilidad.
