DAVAO CITY- Gipahinumduman karon sa mga doktor ang katawhan sa pag-amping sa kaugalingon aron makalikay sa nagkadaiyang sakit nga pwedeng makuha panahon sa tig-ulan.
Sumala pa ni Dr. Abdullah Dumama Jr, Undersecretary for Health and Cluster Lead of the Nationwide UHC Health Services Cluster, nga karong panahon sa ting-ulan, dako ang tyansa sa mga pagbaha diin makahatag og risgo sa pagkuha og sakit nga leptospirosis, dengue, kalakip na ang respiratory tract infections.
Alayon niini, gipunting sa maong doktor ang kamahinungdanon sa pag-atiman sa kaugalingon pinaagi sa pag-inom og daghang tubig lakip na ang pag-inom og bitamina aron makatabang sa pagpalig-on sa immune system.
Dugang pa sa nahisgutan nga kinahanglan sab ang pagpabiling hinlo pinaagi sa paghinlo palibot sa panimalay ug ang paghinlo sa panlawas.
Samtang giawhag usab niini ang katawhan nga gilayong magpakonulta sa mga doktor kung adunay mabatiang mga sintomas sa sakit aron dali kining matagaan og tambal.
