DOH nasugod na sa pag-isyu sa mga lisensya alang sa operasyon sa mga lehitimong pasilidad sa oral health

Gisugdan na sa Department of Health (DOH) ang pag-isyu sa mga lisensya alang sa operasyon sa mga lehitimong pasilidad sa pag-atiman sa ngipon sa tibuok nasud aron maprotektahan ang mga pasyente gikan sa mga pekeng klinika.

Sumala sa DOH, gilauman nga maaprubahan ang maong polisiya sulod ning bulana.

Gipahayag ni DOH Undersecretary Emmie Liza Chiong nga kini nga lakang subay sa Universal Health Care (UHC) Act, nga nag-ila sa oral health isip kabahin sa mga nag-unang serbisyong panglawas.

Gipasabot usab niya nga dili tugutan nga magpraktis ang mga dentista kung wala silay akreditadong pasilidad.