DAVAO CITY – Subling nanawagan ang ahensiya sa Department of Health (DOH) 11 ngadto sa publiko nga kanunay magbinantayon sa mga sakit nga mamahimong makuha karong panahon sa summer.
Sumala sa DOH 11 nga pipila sa mga sakit nga sagad makuha karong panahon sa summer ang gilangkuban sa sun burn, sip-on ug ubo, sore eyes, suka ug kalibanga, sakit sa panit ug rabies.
Kanunay ang pahimangno karon sa ahensiya ilabi na nga ubay-ubay ang laoman nga moadto sa mga beach resorts karong panahon sa bakasyon.
Gipahimangnoan sab ni Anabelle Yumang, Regional director sa Department of Health (DOH) 11 ang katawhan nga batasanon ang pag-inom ug tubig ilabi na kung sobra kainit ang panahon aron nga malikayan ang heat stroke.
Likayan sab sumala pa nga magbulad sa init sugod alas 10 sa buntag hangtud alas tres sa hapon.
