DAVAO CITY – Human nga nag-viral ang mga mihatag nga video, subli n ga gipahinumduman sa Department of Health (DOH-Davao Region) ang mga bars ug uban pang establisyemento sa Davao Region nga hugtanon nga imonitor ang pagpatuman sa minimum public health standards.
Kahinumduman nga naghuot ang mga tawo ug nagparty-party sulod sa supladoz bar sa Ilustre Street human nga nakalapas ang mga nahisgutan sa pagsuot ug facemask ug sa social distancing protocols.
Kahinumduman nga nahitabo ang insidente pipila ka adlaw lamang human nga gitapos na sa lokal nga kagamhanan ang modified liquor ban.
Sumala pa kang Dr. Gerna Manatad, assistant regional director sa DOH-Davao Region, nga kinahanglan adunay hugtanon nga koordinasyon nga ipahigayon ang counterpart sa DOH-Davao Region sa mga areas ug establisyemento nga wala mituman sa minimum public health standards (MPHS).
Mahinungdanon sumala pa ang data ug information sharing sa DOH-Davao Region arun nga makapahigayon gilayon ug tukma nga mga lakang sama sa contact tracing ug matching data uban ang on-ground situation.
Kahinumduman nga milu-ag ang restrictions sa siyudad human nga gipailalom sa Inter-Agency Task Force (IATF) ang Davao City, Davao del Sur, Davao del Norte ug Davao Oriental sa Davao Region sa Alert Level 2 sugod Pebrero 16 hangtud 28, 2022.
