DAVAO CITY – Mihatag ug katin-awan ang Department of Health ingon man Davao City Covid-19 Task Force nga dili sumala pa basta-basta nga ipatuman ang home care isolation sa dakbayan.
Sumala pa kang Michelle Schlosser, tigpamaba sa Davao City Covid-19 Task Force nga kung ipatuman ang nahisgutan nga lakang, kinahanglan nga adunay kaugalingon nga kuwarto ang pasyente ingon man kaugalingon nga banyo ug walay kauban nga sa balay nga adunay co-morbidity.
Gani, kinahanglan sab sumala pa nga i-check una sa physician ang sitwasyon sa pasyente kung angayan ba kini nga mopailalom sa home care isolation.
Angayan matud pa nga tumanon ang mga criteria nga gisugyot sa mga health care experts kini aron nga malikayan ang patakud-takod sa kagaw sulod sa panimalay.
Gisugyot karon ang Home care isolation kini tungod kay nagpabilin pa gihapon nga okupado ang mga balay tambalanan hatud sa taas nga ihap sa mga covid-19 patients nga na-admit.
