DAVAO CITY – Gisugyot karon sa Department of Health (DOH) 11 nga usahon na lamang ang tanang mga QR Code system sa Davao region.
Kini aron mas mapalig-on pa ang covid 19n response partikular na ang contact tracing kung mahimong nang Unified ang QR code sa tibuok region 11.
Dinhi sa Davao region, duha na ka mga probensiya na ang mipatuman sa QR code nga gilangkuban sa Davao de Norte samtang sa Nov. 23, 2020 na usab gitakdang ipatuman sa Davao City ang Safe davao QR code o DQR. Gi-uyunan usab sa Department of Interior & Local Government (DILG) 11 ang nahisgutang sugyot sa DOH 11.
Apan, adunay nakita nga pipila ka mga problema labot sa pagpatuman niini si DILG Regional director Alex Roldan.
Sa karon, tulo na lamang ka mga probensiya ang wala mipatuman ug QR code nga gilangkunan sa Davao Oriental, Davao de Oro ug Davao Occidental.
Hinuon, gibutyag ni Davao de Oro Governor Jayvee Tyron Uy nga mopatuman na usab ug QR code ang ilang probensiya diin himuon ang pilot testing niini sa mga empleyado sa kapitolyo.
