DAVAO CITY – Gitambagan sa regional office sa Department of Health (DOH 11) ang testing facilities sa Davao Region nga mosumite ug “real time” swab test results aron nga malikayan ang ulahi nga pag-report sa Covid-19 cases sa rehiyon.
Sumala pa kang Dr. Rachel Joy Pasion, head sa Regional Epidemiology and Surveillance Units (RESUs) sa DOH 11, nga buot sumala pa sa data management team sa DOH 11 nga makuha ang hinanali nga ihap sa mga kaso sa Covid-19.
Una ng gibutyag ni Dr. Ashley Lopez, acting head sa City Health Office (CHO), nga ang natalang 397 ka kaso sa Covid-19 sa dakbayan sa Davao ang gikan sa test results kaniadtong Hunyo 10 hangtud na sa Hunyo 15, 2021.
Sa kasamtangan, anaa sa 11 ang testing facilities sa Davao Region nga mamahimong maka-cater ug 4,251 specimens matag adlaw samtang ang mga government-owned laboratories, mamahimong maka-cater ug 1,751 specimens matag adlaw.
