DAVAO CITY – Gidayeg sa Department of Health Davao region ang local nga kagamhanan sa gihimong pagpangandam niini sa coronavirus disease 2019 (Covid-19) vaccination program.
Tipik lamang kini atol sa gipahigayon nga simulation sa pag-transport sa Covid-19 vaccines gikan saSouthern Philippines Medical Center (SPMC) paingon sa A. Mabini Elementary School, nga usa sa mga local vaccination sites.
Sumala pa kang Dr. Annabelle Yumang, DOH-11 director, nga subay sa ilang assessment sa simulation exercise, aduna sumala pay kapasidad ang siyudad sa malampuson nga pagpatuman sa vaccination program.
Gitataw sab ni Dr. Janis Olavides, DOH-11 vaccination team leader, ang simulation gilangkuban sa mga personahe gikan sa local government, Department of Education (DepEd), ug security sector.
Kahinumduman nga sulod karong bulana ang gilauman nga pag-abot sa mga bakuna dinhi sa dakbayan sa Davao.
