DAVAO CITY – Gibutyag sa Energy Department sa Mindanao nga namatikdan nila ang pagsaka sa kuryente sukad nga gipailalom ang pipila ka mga lugar sa Mindanao sa Enhanced Community Quarantine (ECQ) diin sagad sa mga residente ang nagpapundo lamang sa ilang mga panimalay.
Sumala pa kang Engr. Nilo Geroche, Director sa Department of Energy – Mindanao Field Office, nga kaniadtong panahon sa ECQ misaka ang demand sa kuryente sa mga residential areas nga gikan sa 17% ngadto na sa 20% samtang sa Industrial sectors gikan sa 12% ngadto na sa 13%.
Hinuon gipasalig sa nahisgutan nga bastante pa ang power supply sa Mindanao.
Apan luyo niini padayon sab sila nga nakadawat ug pagsaway gumikan sa masinatian nga power interruption human nga pakyas ang utility distribution sa power supply sa nagkadaiyang parte sa Mindanao.
