Gipahayag sa Department of National Defense (DND) ang malinawong pagsulbad sa mga wala pagsinabtanay nga walay pagpanghadlok, homan sa military drills sa China sa palibot sa Taiwan.
Nagpadayag ug kabalaka ang defense department sa gihimo sa militar ug coast guard sa China sa palibot sa Taiwan, nga matod pa sa ahensya nakaguba sa kalinaw ug kalig-on sa rehiyon.
Gipahayag ni Defense Secretary Gilberto Teodoro, ang grabeng pagpamugos sa China ang adunay epekto dili lamang sa relasyon sa Taiwan ug China, apan lakip na sa Indo-Pacific region.
Gipahayag usab sa ahensya nga gikinahanglang respituhon ang international law, ipatigbabaw ang pagpugong sa kaugalingon ug ipabilin ang malinawong pagsulbad sa mga problema.
Gisuportahan sa Pilipinas ang usa ka gawasnon, abre, lig-on ug rules-based nga Indo Pacific. Niadtong milabay nga semana, gisugdan sa China ang military drills sa palibot sa Taiwan isip pasidaan kuno batok sa pagpanghilabot sa external forces.
