Nagsaad ang Department of Migrant Workers (DMW) og tabang alang sa mga overseas Filipino workers (OFWs) nga dili makabalik sa ilahang trabaho sa Tungang Sidlakan tungod sa kasamtangang giyera sa rehiyon.
Sumala ni DMW Secretary Hans Leo Cacdac, nagahimo na sila og listahan sa mga OFWs nga apektado, kay hangtod karon wala pa silay kumpletong rekord sa mga dili makabalik sa trabaho.
Matod sa ahensya, naapektuhan gihapon ang mga sektor sa hospitality, transport, restaurant, ug construction sa middle east.
Gibutyag usab sa opisyal ngadto sa mga OFWs nga dili una mo-biyahe kon wala pa silay klarong trabaho.
Tungod niini, gilusad sa ahensya ang Bayanihan Para sa Balikbayang Manggagawa program, nga naghatag og pinansyal nga tabang ug panginabuhi-an alang sa mga OFWs nga temporaryong dili makabalik sa ilahang trabaho sa tungang sidlakan.
