Nagpahibalo ang Davao Light and Power Company (DLPC) sa ipatumang pag-ubos sa singil sa kuryente karong bulan sa Agosto.
Atol sa press conference, gikanayon ni Fermin Edillon, head sa Reputation and Enhancement Department sa maong kumpanya nga gikan sa P10.90 per kilo watt hour nga singil sa nakalabayng bulan, mokunhod kini ngadto sa P10.63 pero kilo watt hour diin adunay 27 centavos nga pag-ubos.
Nahimong pananglitan sa opisyal ang consumption nga 200 kilo watt hour diin adunay pagtipid sa P54 nga singil sa kuryente.
Kini gumikan sa favorable weather conditions lakip na ang pagbarato sa wholesome electricity stock market.
Hinoon, gipasabot sa opisyal nga bisan paman sa pagkunhod sa presyo niini, mahinungdanon gihapon ang pagtipig sa kuryente sa mga konsyumante sanglit posible gihapon ang pag-usab-usab sa presyo niini matag bulan.
