Gimando sa bag-ong gituboy nga Department of Public Works and Highways (DPWH) Secretary Vince Dizon nga magpasa og ilahang courtesy resignation ang tanang opisyal sa maong ahensya.
Si Dizon ang mipuli sa pwesto ni kanhing Secretary Manuel Bonoan nga nag-resign sa katungdanan.
Gibutyag ni Dizon nga lakip sa gipapahawa mao ang mga undersecretaries, assistant secretaries, mga division heads, ug district engineers.
Magpatuman usab siya og polisiya nga diretso nga lifetime blacklisting ban sa mga contractor nga mapamatud-an nga nalambigit sa mga substandard nga proyekto o mga proyekto nga ubos og kalidad, ug mga ghost projects.
Matod ni Dizon, dili na kini moagi og proseso ingon man imbestigasyon ang mga contractor kung mapamatud-an nga nalakip sa substandard ug ghost projects.
Ang report kabahin niini ipasa diretso sa itukod nga Independent Commission.
Sumala pa sa Sekretaryo,nga mao kini ang una nga direktiba gikan ni Pang. Marcos Jr.aron limpyuhan ang ahensya.
