DAVAO CITY – Laoman sumala pa nga mas daghanan pang direct flights ang gikatakdang ilunsad sa usa ka airline company gikan dinhi sa dakbayan sa Davao paingon sa uban nga mga nasud.
Tungod niini, malaomon ni Vice Mayor Bernard Al-ag nga mamahimong sentro na ekonomiya sa Mindanao ang Davao sa umaabot nga panahon.
Posible sumala pa kini nga makab-ot kung mas daghanang flight ang ipatuman nga direkta dinhi sa siyudad. Samtang una ng gibutyag sa usa ka dakong airline company nga plano nila nga magpatuman ug direct flights gikan sa Davao paingon sa Japan, China, India ug daghanan pa.
Sa gikatakda usab nga temporary closure sa Boracay, usa sab sumala pa sa ilang gi-promotar karon ang pagsuroy sa siyudad ug sa uban nga tourists destination sa Mindanao.
