DAVAO CITY – Laoman nga mamahimong komportable na ang biyahe sa mga dabawenyo nga nanarbaho karon sa Singapore human nga balik na sab sa operasyon ang direkta nga flight niini.
Kagahapong adlawa, gitagbo ug water cannon ang Scoot Airlines nga mitugpa sa Davao International Airport kagahapon sa hapon diin sakay ang 102 passengers.
Kahinumduman nga nagsugod kagahapong adlawa ang maiden flight.
Gikanayong usa ka low-cost airline subsidiary ang maong eroplano ilalom sa Singapore Airlines.
Gikanayong adunay biyahe ang Scoot sa rutang Singapore-Davao-Singapore diin ipahigayon kini matag adlaw nga Miyerkules, Biyernes, og Dominggo nga muabot sa Davao og alas dos sa hapon ug mubalik sa Singapore pasado alas dos sa kuwatro sa hapon.
Ang subling pag-abli sa direct flights tipik lamang aron nga hinay-hinay nga makabangon ang turismo sa dakbayan nga usa sa labing naapektohan sukad nga nagsugod ang covid-19 pandemic sa milabay nga tuig.
