DAVAO CITY – Dagkong kantidad sa shabu ang narekober sa otoridad sa managlahing buy bust operation nga gilusad sa mga personahe sa Davao del Norte ug Davao Occidental Provincial Office sa Philippine Drug Enforcement Agency Regional Office XI ingon man Davao Norte Police Provincial Office Provincial Intelligence Branch ug Panabo City Police Station pasado alas tres kagahapon sa hapon.
Unang suspek naila nga si Jason Web Pueblo, residente sa Brgy. San Franciso Panabo City diin narekober sa iyang posisyon ang kantidad sa P180,000 nga shabu.
Gilusad ang operasyon sa Purok 3-C, Luzviminda Subdivision, Barangay San Francisco, Panabo City, Davao del Norte pasado alas tres kagahapon sa hapon. Kalakip sab sa narekober gikan sa suspek ang P10,000 nga poseur buyer ug laing duruha pa ka mga pakete. Dugay ng gipanid-an sa otoridad ang suspek sa iyang illegal nga aktibidad ayha gilusad sa ang operasyon batok kaniya.
Mag-atubang ang nahisgutan ug kasong kalapasan sa Republic Act 9165 kun ang The Comprehensive Dangerous Drugs Act of 2002 ang dinakpan.
Samtang nasikop sab sa Bunawan PNP ang usa ka ka pasahero sa taxi nga mosulod unta dinhi sa dakbayan dihang gipailalom kini sa paghiling sa fixed checkpoint sa Licanan, Lasang, Davao City.
Suspek naila nga si Datumanot Cawine Awal, 28 anyos ug residente sa Sentro Luayan, Mangudadatu, Maguindanao. Dihang gipailalom ang nahisgutan sa inspeksiyon, narekober gikan sa iyang posisyon ang illegal nga druga nga kantidad sa P726,400.
Balhug karon sa Bunawan PNP ug gi-andam na ang kaso nga iduso batok kaniya.
