DAVAO CITY – Nanawagan ang mga buhatan sa Department of Interior and Local Government XI ug PNP XI ngadto sa mga Dabawenyo na magpabakuna na aron hingpit nang makab-ot ang herd immunity sa Dakbayan.
Human kini sa pamahayag ni Presidente Duterte nga papaspasan na ang vaccination rollout sa nasud, ug sa gibuhat usab niini nga suhestiyon nga dili pagawason sa ilang mga panimalay ang mga dili bakunado tungod sa sila ang mamahimong carrier sa COVID-19.
Sumala kang DILG XI Regional Director Alex Roldan, kinahanglan magmugna ang Kongreso og balaod nga maghatag ug gahum sa Presidente nga magpatuman og mas hugot nga pagpatuman sa mga health protocol.
Nanawagan usab og cooperation ngadto sa katawhan si Police Major Eudisan Gultiano, tigpamaba sa Police Regional Office XI.
