DAVAO CITY – Nag-isyu ug “last warning” ang Department of the Interior and Local Government (DILG) batok sa mga barangay officials nga wala sumala pa nagtarung sa ilang trabaho ilabi sa anti-illegal drug ug peace and order campaign sa ilang komunidad.
Sumala pa kang DILG Assistant Secretary for External and Legislative Affairs Ricojudge Janvier M. Echiverri, mag-atubang ug kasong dereliction of duty ang mga Barangay officials sa Office of the Ombudsman sa higayon nga dili kini mokooperar sa kagamhanan.
Gitambagan ni Echiverri kadtong mga opisyal sa Barangay nga mahadlok nga mapagan sa mga illegal nga aktbidad sa ilang lugar nga mas maayong ihatag ang ilang posisyon ngadto sa uban nga seryoso nga moserbisyo sa katilingban.
Nasayran nga aduna na matud pa silay listahan sa mga barangay officials nga wala nagtarong sa ilang trabaho ug gikatakda nila kini nga ipagula.
