DAVAO CITY – Naghinan-hinam na karon ang mga personahe sa Department of Interior and Local Government (DILG) Davao region nga makatrabaho ang bag-ong gituboy nga officer in charge sa ahensiya nga si retired general Eduardo Año.
Kahinumduman nga si Año ang gipili ni Pangulong Duterte nga modumala sa ahensiya sa milabay nga semana.
Matud pa kang regional director Alex Roldan nga maayo ang relasyon tali kang Año ug sa DILG ug mapasalamaton sab sila gumikan kay dili usa ka politiko ang modumala sa ahensiya.
Si Año mao ang kanhi Chief of Staff sa Armed Forces of the Philippines hangtud nga miretiro kini sa milabay nga tuig.
Ayha nahimong acting chief of staff, nanguna sab kini Intelligence Service of the Armed Forces of the Philippines (ISAFP) ug 10th Infantry Division sa Philippine Army.
