DAVAO CITY – Gilantaw karon sa Department of the Interior and Local Government (DILG) XI nga dungagan pa ang mga contact tracer karong adunay hulga sa mas makatakod nga Delta Variant sa COVID-19.
Busa, nagpadala na og request ang DILG XI ngadto sa ilang central office sa kauluhan alang niini.
Sumala ni Alex Roldan, Regional Director sa DILG XI, giduso nila nga dungagan og 20 percent sa ang 892 ka mga kasamtangang contact tracer sa Dakbayan, kon 178 ka mga bag-ong contact tracer Apan, sumala ni Dr. Michelle Schlosser, tigpamaba sa Davao City COVID-19 Task Force, igo pa ang ihap sa mga contact tracer nga gi-hire sa lokal nga panggamhanan.
Samtang wala pa naaprubahan ang maong sugyot, gipasalig sa buhatan nga ma-renew pa ang kontrata sa mga existing contract tracer hangtod na sa katapusan ning kasamtangang tuig.
Gipaklaro usab nga mamahimo gihapong mag-hire og mga dugang nga contact tracers ang mga LGU sa rehiyon, apan lauman na nga lahi ang rate sa sweldo alang sa mga gi-hire sa DILG kung itandi sa mga gi-hire sa LGU
