DAVAO CITY – Nagbahad si Department of the Interior and Local Government (DILG) regional director Alex Roldan ngadto sa mga Barangay kapitan nga manubag ang mga nahisgutan sa higayon nga wala niini natarong ang pagpili sa mga gipanghatagan ug assistance ilalom sa Social Amelioration Program (SAP) sa Department of Social Welfare and Development Office (DSWDO).
Tipik lamang kini human nga nakadawat sumala pa ug daghanang reklamo si Roldan gikan sa mga residente gumikan kay wala silay assistance ug mas gipili sumala pa kadtong mga pamilya nga adunay sarang nga ikagasto sa ilang panginahanglanon.
Sa kasamtangan, gisubay na matud pa sa ahensiya ang nahisgutan nga mga reklamo ug gipasalig nga gilayon nila kini nga aksiyonan sa higayon nga adunay lig-on nga basehan.
Sa kasamtangan, wala pay na-isyuhan ug show cause order ang ahensiya nga mga opisyales sa Barangay.
