DAVAO CITY – Mihatag ug katin-awan si Department of Interior and Local Government (DILG) regional director Alex Roldan kalabot sa mga polisiya nga angayan sumala pa nga tumanon sa tibuok Davao region karong panahon sa General Community Quarantine (GCQ).
Kahinumduman nga gibisita mismo ni Roldan ang Covid-19 checkpoint sa Panabo City kini human nga nakadawat kini ug impormasyon kalabot sa mga dili masabtan nga mga polisiya nga gipatuman sa siyudad.
Gipasabot sa opisyal nga panahon sa GCQ, mamahimong pasudlon sa uban nga mga siyudad sa rehiyon ang mga gikan sa Davao City, Davao del Sur, Davao del Norte, Davao de Oro, Davao Occidental ug Davao Oriental apan limitado sa mga trabahante basta kay ipakita lamang ang ID ug i-logbook lang ilang kaugalingon kung taga asa kini aron nga mamonitor.
Sa mga biyahedor, mamahimo kini nga motabok apan dili tungod kay maglaag-laag ug kinahanglan mohatag ug ID.
Samtang panahon sa emerhensiya, walay angayan nga pangayuon.
Sa mga crisis-crossing workers, mamahimong ID lamang ang ipakita isip pagpamatuod nga nagtrabaho sila sa lain nga lugar sa Davao region.
Sa mga nangatanggong, dili sumala pa kinahanglan ug authority kung stranded lamang sa sulod sa Davao Region.
Mamahimo nga i-presenta ang medical certificate gikan sa BERTH ilabi na kadtong natanggong sukad nga gipatuman ang lockdown.
Samtang kadtong gikan sa uban nga rehiyon nga motabok sa pikas, posibleng dili dawaton tungod kay walay travel authority hinungdan nga kinahanglan magdala kini aron nga mapadali ang proseso.
Una ng nasayran nga tanan nga mga probinsiya sa rehiyon XI ang ipailawon sa Modified General Community Quarantine (MGCQ) gawas sa Davao nga pabilin pa gihapon sa General Community Quarantine (GCQ).
