DAVAO CITY – Gipahimangnoan karon sa ahensiya sa Department of the Interior and Local Government 11 (DILG 11) ang publiko nga makiglambigit lamang ngadto sa korte sa higayon nga dili kini dawaton sa trabaho o dili makapahigayon ug transaksiyon sa gobyerno tungod lamang kay dili pa kini bakunado batok covid-19.
Una ng gihatagan ug katin-awan ni DILG 11 regional director Alex Roldan nga mas maayo nga diretso kini nga ireklamo sa hingtungdan nga ahensiya sa kagamhanan inay nga ipasibaw ang kadismaya sa social media sanglit dili gilayon kini maaksiyonan.
Makasulbad lamang sumala pa sa susama nga suliran ang korte aron nga masayran kung adunay Justiciable Question sa gipatuman nga sumbanan sa mga establisyemento o sa bisan unsa man nga mga buhatan sa gobyerno.
Wala sumala pay masupak nga balaud o patakaran nga gipagula sa usa ka ahensiya sa gobyerno hangtud nga wala pay gipagulang nga desisyon kalabot niini ang hukmanan.
