DAVAO CITY – Mismong si Department of the Interior and Local Government (DILG)-11 head Alex Roldan ang nag-awhag sa mga Barangay kapitan sa siyudad nga fully vaccinated na batok Covid-19 ang mo-awhag sa ilang mga residente nga pahimuslan ang kahigayonan gumikan kay alang lamang kini sa kaayohan sa panglawas.
Kahinumduman nga ubay-ubay na ka mga Barangay Kapitan sa siyudad ang natapos na sa ikaduhang dose sa ilang bakuna sukad nga gisugdan ang vaccination roll out sa dakbayan kaniadtong bulan sa Marso ning kasamtangan nga tuig.
Gitambagan na lamang ang publiko nga kung aduna silay gihambin nga balatian, mas maayong makighinabi una sa ilang doktor ug mangayo ug clearance.
Gitataw sab ni Roldan nga dakong tabang kung magpahulagway ang mga kapitan samtang nagpabakuna ug ibutang sa ilang social media aron nga makita kini sa ilang komunidad ug ma-awhag ang mga nahisgutan nga mopailalom sab sa vaccination.
