DAVAO CITY – Malipayon karon ang mga kabataan sa usa ka hilit nga lugar sa probinsiya sa Davao oriental gumikan kay usa sila sa mga nakabenepisyo sa digital library platform nga gitawag ug Starbooks.
Una ng gi-turn over sa Department of Science and Technology (DOST) ngadto sa Patong Elementary School sa Barangay Malibago lungsod sa Cateel ang solar-powered Starbooks nga magsilbing offline library diin daghanan ang mamahimong basahon ingon man up-to-date nga mga impormasyon nga adunay kalabutan sa science and technology.
Gawas nga walay elektrisidad ug access sa internet, ang mga tinun-an sa nahisgutan sa maong dapit makakat-on lamang pinaagi sa mga libro ug lecture sa mga tulonghaan.
Mapasalamaton sab ang mga ginikanan ingon man mga magtutudlo sa maong lugar gumikan kay dili ang nakabenepisyo sa state-of-the-art tool nga usa ka pamaagi aron nga madungagan ang kaalam sa mga kabataan.
Nasayran nga ang Starbooks adunay liboan ka mga digitized science and technology gikan sa nagkadaiyang formats sama sa text, video ug audio nga gipahimutang sa pods ug dali lamang kini nga gamiton sa mga estudyante.
