Gibutyag sa Department of Foreign Affairs nga klaro ang hurisdiksyon sa Pilipinas sa tanan nga kapuluan ug teritoryo, lakip na ang Bajo de Masinloc ug ang high-tide features sa Kalayaan Island Group.
Kini ang gipagawas sa nasampit nga aehnsya human sa pahayag sa Chinese Embassy nga sila sumala pa ang adunay soberanya sa South China Sea.
Giilimod usab sa DFA ang 1990 nga sulat sa Chinese Embassy kabahin sa Scarborough Shoal.
“The DFA will not engage in conjecture or speculation over a document of uncertain origin and authenticity, and certainly without value.”
Ang Scarborough Shoal nahimutang sa 200 kilometro (124 miles) gikan sa Pilipinas ug sulod kini sa exclusive economic zone sa nasud nga buot angkunon sa China.
Kini nga stratehikong shoal duol sa major shipping lanes, ug gipanghingusgan kini tungod sa daghang isda ug sa mga lagoon nga mahimong luwas nga puy-anan sa mga sakayan panahon sa bagyo.
Gibutyag usab sa DFA ngadto sa China nga ang maritime ug territorial claims kinahanglan sundon ang international legal process, dili pinaagi sa social media posts o unilateral nga pahayag.
