Mo-apela ang Bangsamoro Autonomous Region in Muslim Mindanao (BARMM) sa nahimong desisyon sa Supreme Court (SC) nga ilahi ang probinysa sa Sulu gikan sa governong body.
Gipahayag ni BARMM spokesperson and Cabinet Secretary Mohd Asnin Pendatun, mupasaka sila ug motion for leave to intervene with motion for partial reconsideration.
Kung kahinumduman, ning bulana lamang gipalig-on sa Supreme Court ang validity sa Bangsamoro Organic Law, apan gideklara niini nga dili kabahin ang Sulu sa BARMM.
Dugang gipahayag ni Pendatun, nadawat sa BARMM government ang kopya sa desisyon sa korte niadtong Septyembre 16.
Tumong sa Bangsamoro Organic Law (BOL) nga nahimong balaod niadtong Hulyo 27, 2018 nga pulihan ang Autonomous Region in Muslim Mindanao (ARMM) sa BARMM, nga makabaton ug expanded land ug water jurisdiction, fiscal autonomy ug increased shar sa national government resources.
Kung kahinumduman nga niadtong 2018, gikwestyon ni Sulu Governor Abdusakur Tan II sa SC ang legalidad sa BOL, kung diin gikanayon niini nga dili mamahimong bungkagon ang ARMM kung wala gi-amyendahan ang constitution.
Gumikan niini, gitabla sa Sulu province ang ratipikasyon sa BOL sa plebisito kaniadtong 2019.
Gikatakdang pagahimuon sa BARMM ang una niining parliamentary elections sa Mayo 2025, apan sa pinakabag-ong desisyon, dili makasalmot ang Sulu sa eleksyon.
