DAVAO CITY – Plano karon sa lokal nga panggamhanan nga bag-ohon ang disenyo sa Flyover sa Matina nga milungtad na sab ug dugay nga panahon.
Matud pa kang Ivan Cortez head sa Davao City Investment and Promotion Center (DCIPC) nga mihangyo ang dakbayan sa national government nga mas palapdan ug patas-an pa ang fly over ilabi na nga ang Matina ang usa sa pinaka-busy nga lugar dalan sa dakbayan.
Subay sa bag-o nga disenyo, magsugod ang bag-ong flyover gikan sa regional office sa Department of Interior and Local Government (DILG) hangtud na sa Ulas ayha ang Davao-Bukidnon Road junction.
Gikanayong ang bag-ong disenyo sa flyover kinahanglan nga mas lapad ug adunay lugar alang sa mga poste sa itukod nga LRT (Light Rail Transit) system.
Kahinumduman nga usa sa plano sa dakbayan ang pagpahimutang ug light railway transit system sa siyudad.
Dugang ni Cortez nga ang gamay nga flyover mamahimong hinungdan lamang sa paghuot gikan sa Matina Crossing ngadto na sa uban nga junction.
Gikanayong daghan ang junctions sa nahisgutan nga area hinungdan nga kinahanglan ug mas taas nga flyover.
