DAVAO CITY – Arun masiguro nga hapsay ang dagan sa eleksiyon sa bulan sa Mayo niining kasamtangan nga tuig, nagmugna karon ang Department of Education (DepEd) ug Elections Task Force (ETF) Operation and Monitoring Center arun matabangan sab ang mga magtutudlo sa mga pampublikong tulonghaan ug uban pang mga personahe nga magsilbi sa nagsingabot nga pinili-ay.
Gikanayong ang ETF usa ka inisyatibo sa ahensiya arun nga matabangan sab ang Commission on Elections (COMELEC) ug masiguro nga free, orderly, honest, peaceful, ug credible National and Local Elections.
Sa gipagula nga memorandum, tanan nga mga regional ug schools/city division offices sa Departamento ang otorisado nga magmugna sa ilang kaugalingon nga ETF Operations and Monitoring Centers aron mapangandaman sab ang eleksiyon.
Gimandoan na sab karon ang mga regional directors ug schools division superintendents nga musumite ug mga listahan sa lima ka mga opisyal/empleyado nga maglangkub sa ilang ETF, uban ang ilang designation, position, salary grade, DepEd email address, ug contact information.
Samtang gikatakdab ang nationwide orientations and training alang sa mga miyembro sa ETF.
Kalakip sa hisgutan ang paggamit sa digital signatures, enhancement ug updates sa mobile monitoring application systems, COVID-19 protocols, do’s and don’ts ayha ug atol mismo sa panahon sa eleksiyon ug uban pang election-related concerns.
