DAVAO CITY – Malaumon ang Department of Education (DepEd) XI nga mudagsa gihapon ang mga ginikanan nga moduyog sa ipahigayon nga Brigada Eskwela o School Maintenance Week.
Sumala pa kang Mr. Genelito ‘Dodong’ Atillo, ang DepEd XI spokesperson, nga ipahigayon kini gikan sa Mayo 28 hangtud na sa Hunyo 2.
Subay niini gidayeg ni Attilo ang gipakita nga kadasig sa mga ginikanan sa Brigada Eskwela sa milabay nga tuig ug gilauman nga masubli kini karong tuiga.
Sa kasamtangan andam na ang DepEd XI alang sa pag-abli sa klase nga lakipan sa ‘Oplan Balik Eskwela Program’, mga kalihukan sama sa Brigada Eskwela.
Tumong niini nga diretso na sa ilang leksyon atol sa hingpit nga pag-abli sa klase sa Hunyo 4, Lunes.
Gitataw ni Mr. Atillo nga bisan kung Hunyo 4 ang abli sa klase dunay mga pribadong tulongha-an ang nananghid nga sa Hulyo o sa Agosto mo-abli sa klase.
