Gihatagan og gibug-aton ni Education Secretary Sonny Angara nga padayon ang komitment sa Department of Education (DepEd) sa pagsiguro nga ang tanang estudyante sa nasud mahimong functionally literate.
Gipahayag kini sa kalihim human mogawas ang resulta sa 2024 Functional Literacy, Education, and Mass Media Survey, diin nakita nga kapin sa 18 milyon ka junior high school graduates ang giisip nga “functionally illiterate.”Nagpasabot kini nga daghan sa mga nahuman sa junior high school ang adunay problema sa pagbasa ug kulang sa pagsabot sa ilang gibasa.
Sumala pa ni Angara, responsibilidad sa ilang kagawaran nga siguruhon nga ang tanang learners mahimong functionally literate. Gisiguro usab sa kalihim nga padayon ang ilang mga lakang aron matubag ang maong isyu, ilabina aron mahatagan og maayong kaugmaon ang mga estudyante sa tibuok nasud.
