Giawhag ni House Committee on Basic Education and Culture Chair Representative Roman Romulo ang Department of Education (DepEd) nga dakpon ug patubagon ang nagpakatag sa sayop nga impormasyon nga adunay Grade 13 na idugang sa sistema sa edukasyon. Sa pagdungog sa komite, gipangutana ni Romulo ang DepEd kung tinuod ba ang balita nga migawas pa sa YouTube ug social media nga nag-ingon nga adunay Grade 13.
Sumala pa ni DepEd Assistant Secretary Janir Datukan, wala gayuy proposal ni intensyon ang DepEd nga magdugang og Grade 13. Ang tinuod, Grade 11 ug Grade 12 lamang ang naa karon sa senior high school program. Gipahayag ni Romulo nga dili lamang sakto ang pagpagula og pahayag aron ilimod ang fake news, kundili kinahanglan nga adunay masilutan, ilabi na nga nakahatag kini og kabalaka ug kalibog sa publiko.
Sa laing bahin, gisiguro ni Datukan nga milok na ang DepEd aron masuta kung asa gikan ang maong fake news.
