Gikataho ang pipila ka mga insidente sa violence sa sulod sa mga tulunghaan diin nakahatag sa mga ginikanan og dakong kabalaka alang sa seguridad sa ilang mga anak sulod mismo sa eskwelahan. Sa pagpakighinabi sa pipila ka mga ginikanan sa syudad, matud pa ni alyas Jenny nga adunay grade 10 student, magsugod gyud ang disiplina sulod sa panimalay.
Dugang pa niya, kampante kini sa seguridad sa eskwelahan apan aduna gihapon kabalaka gumikan kay dili gayud matag-an ang susama nga insidente. Gipunting sab sa pipila ka mga ginikanan ang kamahinungdanon sa pagpahugot sa seguridad sulod sa tulunghaan, lakip na ang sama sa mga metal detectors.
Sa pikas bahin, ang ika-21 nga Konseho sa Dakbayan nagpahigayon sa ilang miting kagahapong adlawa, diin ilang giawhag ang Department of Education (DepEd) nga maghatag og igong pondo aron makatugyan og mga dugang pang propesyonal nga guwardiya sa tanang pampublikong tulunghaan.
