DAVAO CITY – Human ang anunsiyo sa Department of Education (DepED) nga ablihan ang klase sa bulan sa Agosto, gi-awhag karon sa konsehal ning siyudad ang DepEd nga magpagula ug guidelines alang sa accreditation and licensing sa homeschool providers ug uban pang compliance measures kalabot sa homeschool program.
Sumala pa kang Konsehal Antoinette Principe-Castrodes nga sa iyang giduso nga resolusyon, kinahanglan nga siguruhon sa DepED ang access sa kalidad, barato ug reliable homeschooling sanglit ang physical or face-to-face classroom setup ang hugtanon nga dili tungod sa nagpadayon nga bahad sa coronavirus disease (Covid-19).
Gitataw sab ni Principe-Castrodes nga ang pag-abli sa klase sa Agosto 24 usa ka klase sa pag-adapt sa “new normal” nga mamahimong mohatud pa gihapon ug kabalaka ngadto sa mga ginikanan.
Nagpadayag sab ang opisyal sa maka-alarma nga pagtumaw sa mga homeschool providers nga walay permit, fly-by-night, ingon nagpahimulos pinaagi sa ilang taas nga demand diin mamahimong ala-ot niini ang estudyante ug ang iyang pamilya.
