DAVAO CITY – Nakig alayon na ang DepEd Davao City ngadto sa lokal nga kagamhanan alang sa pilot face to face classes sa mga pampublikong eskwelahan.
Gikabutyag ni Davao City Mayor Inday Sara Duterte nga usa kini sa mga nahisgutan atol sa Covid 19 Task Force meeting kagahapon sa buntag diin gilatag ang mga listahan sa mga public schools aron ipahigayon ang rolled out sa face to face classes.
Nahiusahan matod pa nga ipailawom sa risk assessment ang 182 ka barangay sa Davao City diin ang ulahing 3 ka barangay base sa rank sa risk assessment ang pilion alang sa pilot face to face classes, apan base sa inital submission nahiusahan nga usa ka tulonghaan lang matag barangay ang pilion.
Samtang giklaro usab ni Mayor Inday Sara Duterte nga nagpaabot nalang ang Lokal nga kagamhanan sa guidelines sa DOH kalabot sa vaccination rollout sa nagpangidaron og 12-17 anyos.
Sigon sa alkalde higayong aduna nay pagtugot sa DOH gilayon nag ilusad ang registration alang sa mga batang pwedeng mabakunahan.
