DAVAO CITY – Nag-laom ang Department of Education (DepEd-XI) nga ma-usab ang huna-huna sa 5 ka pribadong skwelahan sa Davao Region nga mipadayag nga manirado una karong school year 2021-2022 gumikan sa padayon nga pandemya.
Gitino sa ahensya nga anaa na sa kapin 40 ka mga pribadong skwelahan ang nag desisyon nga manirado gumikan sa Covid-19 diin pipila sab ka mga empleyado ang apektado niini.
Gibutyag sa tigpamaba sa DepEd XI Dodong Atillo nga nagalaom sila nga mausab pa ang desisyon sa management sa mga tulunghaan nga dunay planong manirado hinungdan nga pipila sab ka mga magtutudlo ang mawad-an og panginabuhian.
Bisan paman niini, gibutyag ni Davao City LGU Commissioner Noman Baloro nga padyaon gihapon ang ginahanyag sa lokal nga kagamahan nga special program alang sa mga naapektuhang empleyado.
Dugang sa opsiyal nga mamahimo nga mudangop sailang opisina aron ilaha matud pang malantaw kung unsa nga programa ang ha-om niini.
