DAVAO CITY – Gipaklaro sa Department of Education XI nga dili pinugsanay ang COVID-19 vaccination alang sa mga teaching ug non-teaching personnel.
Namahayag usab ang tigpamaba niini nga si Jenielito Atillo nga walay kalapasan ang lakang sa Davao City LGU nga bakunahan ang mga magtutungha gikan sa lima ka tunghaan nga buot malakip sa Dakbayan sa pilot testing sa limited physical classes.
Apan, giklaro niini nga kinahanglan anaay kagawasan ang mga ginikanan sa pagdesisyon kung pasalmuton nila ang ilang mga anak sa face-to-face classes.
Kahinumduman nga gikanayon ni Davao City Mayor Sara Duterte nga kinahanglan bakunado ang mga magtutudlo ug mga non-teaching staff sa mga tunghaan nga napili sa Vaccination cluster nga mupailalom sa pilot run sa limitadong physical classes.
Sa kasamtangan, 59 ka mga tunghaan sa nasud ang aprubado na sa DepEd alang niini, ug wala pay nalakip nga mga tunghaan gikan dinhi sa Dakbayan.
