DAVAO CITY – Miangkon ang tigpamaba sa Deparment of Education XI nga si Jenielito “Dodong” Atillo nga nakasinati sa kasamtangan ang nasud og learning poverty, human nga gipagawas sa World Bank ang datos nga siyam sa napulo ka mga batang nag-edad og 10 anyos ang dili makabasa ug makasabot og simple text.
Apan, dili sumala pa nila makumpirma nga tinuod ang maong ihap sanglit dunay kaugalingong methodology kon pamaagi sa pagpahigayon og pagsusi ang World Bank.
Dugang pa ni Atillo, dugay na kining nasinatian sa Pilipinas, ug kanunayng nagapatuman og long-term nga pamaagi ang DepEd aron masulbad ang maong sulitan, sama sa BBB kon Bawat Bata Bumabasa initiative, ug pag-localize sa mga pamaagi sa pagtudlo.
Daghan matud pa og factors ang learning poverty sama sa problema sa pamilya, economic status, komunidad, unemployment ug uban pa, ug dili angay matud pa nga ibasol ang tanan sa educational system.
Nasamutan pa ang problema sa learning poverty tungod sa COVID-19 pandemic ug sa pagpatuman sa online classes sanglit dili tanang mga magtutungha ang dunay access o di kaha naanad sa bag-ong pamaagi sa pagtungha
