DAVAO CITY – Gitambagan karon sa ahensiya sa Department of Education (DepED) 11 pinaagi sa ilang tigpamaba nga si spokesperson Jenielito Atillo ang mga pribadong tulonghaan nga mas maayong mosumite na sa ilang Learning Continuity Plan ilabi na kadtong magsugod na ang ilang klase sa bulan sa Hunyo kini bisan wala pay kasigurohan nga matapos na ang krisis sa Corona virus (Covid-19).
Sumala pa kang Atillo, mahinungdanon nga adunay Learning Continuity Plan ang mga tulonghaan aron nga masayran kung unsa ang mode of classes nga gamiton alang sa pagtuon sa mga estudyante.
Masayran sab pinaagi niini ang mga teaching strategies nga ilang gamiton o kung tukma ba kini sa mga estudyante.
Nasayran nga gitugtan na karon ang mga pribadong tulonghaan nga mamahimo ng makasugod ug klase apan wala unay ipahigayon nga face-to-face classes hnagtud nga dili pa moabot ang Agosto 24 nga gisugyot nga bulan diin mamahimo ng makasugod ug klase ang mga pampublikong tulonghaan.
