DAVAO CITY – Subli karon nga gipahinumduman sa ahensiya sa Department of Education- Davao region ang mga magtutudlo sa mga pampublikong tulonghaan nga kinahanglan pabilin nga non-partisan ang mga nahisgutan ug dili magpataka ug post sa social media nga adunay gi-endorso nga politiko alang sa nagsingabot nga 2022 election.
Tipik lamang kini human nga adunay usa ka magtutudlo sa Daniel R. Aguinaldo National High School (DRANHS) ang giimbestigahan gumikan sa dili maayo niini nga komento sa online sa usa sa mga presidential candidate.
Mismong si DepEd Undersecretary Revsee Escobedo ang nag-isyu ug memorandum nga magpahigayon ug imbestigasyon human ang reklamo sa usa ka indibidwal ngadto sa Civil Service Commission (CSC).
Nahimong viral ang post sa usa ka magtutudlo human nga gi-screen shot kini sa mga supporters sa usa ka kandidato nga wala dili niya gusto.
Gipasalig sa ahensiya nga magpahigayon sila ug imbestigasyon kalabot niini ug muhimo ug tukma nga aksiyon kung mapamatud-an sa salaud nga nahimo.
Angayan sumala pa nga huna-hunaan sa maka-daghan nga higayon sa mga magtutudlo ang mga pulong nga i-post sa social media ug magsilbi matud pa ang mga nahisgutan nga maayong modelo sa ilang mga estudyante.
Gimonitor na sab sumala pa karon sa DepEd ang social media sa mga magtutudlo arun masubay kung mutamod kini sa ilang gipagula nga mga memorandum.
