DAVAO CITY – Usa ka bulan sukad nga gisugdan ang klase ilalom sa “new normal” setup, gibutyag sa official sa Department of Education-Davao Region (DepEd-Davao) nga adunay pipila ka mga ginikanan ang nagpabilin nga naglisud paunsa matabangan ang ilang mga anak sa matag adlaw nila nga klase.
Sumala pa kang DepEd-Davao Spokesperson Jenielito Atillo nga nakadawat sila ug nagkadaiyang reports ug concerns gikan sa mga ginikanan nga maoy gitambagan nga mamahimong “home partners,” sa sikat nga modular learning setup.
Gikanayong pipila sa mga ginikanan nga nalisdan sab sila nga sabton ang leksiyon sa ilang mga anak sanglit wala sab sila nakatapos ug pag-ekwela.
Isip, gitataw sa DepEd nga ilusad nila ang Learning Supports Aide (LSA) Program.
Tumong sa programa nga magsilbing tulay sa mga ginikanan ug indibidwal aron nga makatabang sa leksiyon sa ilang anak.
Ang LSAs mo-assist sa mga magtutudlo ug ginikanan aron nga mahatud ang basic education services ilalom sa distance learning set-up. Gipasalig ni Atillo nga tabangan nila ang mga ginikanan nga maglisud ug sabot sa mga module sa ilang mga anak.
